Mukabat na sa kapin 100,000 ka mga indibidwan ang nabakunahan ug second dose sa Covid-19

DAVAO CITY – Mukabat na ngadto sa kapin 112,499 ka tawo ang nakadawat na sa ilang second dose sa COVID-19 vaccine diri sa Dakbayan sa Davao.

Subay sa datos gikan sa Davao City Vaccination Cluster, anaa na sa 34,246 ka tawo ilalom sa A1 Priority Group kon Healthcare workers ang fully-vaccinated na. Anaa sab sa 22,910 na sab gikan sa A2 Priority Group kon senior citizens ang nabakunahan na og second dose.

Ang mga fully vaccinated na sa A3 Priority Group kon persons with comorbities, anaa na sa 54,370.

Mukabat sab 299 pa lang gikan sa A4 Priority Group kon essential workers ang nakadawat na sa duha ka doses sa bakuna, samtang 674 sab ang nakadawat na sa second dose gikan sa Indigents kon A5 Priority Group.

Alang sa 1^st dose, anaa na sa 290,946 ka mga indibidwal ang nakadawat na niini. 47,050 ang gikan sa A1, 74,313 ang gikan sa A2, 100,731 ang gikan sa A3, 61,137 ang gikan sa A4, ug 7,715 ang gikan sa A5 nga pulos gikan sa Indigenous Peoples communities sa Marilog District ning Dakbayan.

Padayon gihapon ang pagbakuna sa Dakbayan, diin adunay sectoral vaccination programs ang ginapahigayon alang sa mga anna sa A4 Priority Group.