DAVAO CITY – Gipahinumdom pag-usab sa Davao City Covid-19 Task Force (TF) ang kamahinungdanon sa padayon nga pagtuman sa minimum public health standards (MPHS) human gikumpirma sa DOH ang duha ka Omicron sub-variants nga na-detect sa Luzon ug Western Visayas.
Bisan ug gipasalig sa Task Force ngadto sa publiko nga andam kini kung ugaling makasulod ang Omicron subvariants sa dakbayan sa dabaw, apan kung magpasagad ug kung dili motuman sa Minimum public health standards sama sa social distancing, tamang pagsul-ob ug facemask, ug ang kanunay nga paghugas sa kamot, dako kaayo ang posibilidad nga matakdan.
Gikanayon usab ni Mayor Sara Duterte nga iyang nalantawan nga wala nay surge nga mo-igo sa dakbayan unsa mang orasa, apan kinahanglannga tumanon gayud ang MPHS ug ang pag-avail sa ikaduhang booster shoots sa labing madali nga panahon.
Samtang, nagpadayon ang libre nga teleconsultation ug swab testing nga mamahimong makuha sa mga Dabawenyos nga nakasianti ug Covid-19 symptoms.
