DAVAO CITY – Giselyohan sa lokal nga kagamhanan sa Davao City ang usa ka Memorandum of Understanding alang sa reclamation sa kapin kulang 57 ektaryas nga reclaimable areas nga nahilakip sa Davao City Coastal Road Project.
Sa maong kasabutan, giakanayon ni Davao City Planning and Development Coordinator Engr. Ivan C. Cortez nga gikinahanglang i-secure sa city government ang mga luna duol sa baybayon ug sa coastal road uban ang Philippine Reclamation Authority isip nag-unang lakang alang sa pagbuhat og usa ka espasyo nga haom sa sosyo-ekonomikanhon ug pangkinaiyahang demands sa dakbayan.
Gipalihok na sukad tuig 2018 ang mga dokumentong gikinahanglan alang sa pag-reclaim sa mga lawak niini, diin lakip niini ang bag-uhay lang nga gipirmahang MOU tali Davao City LGU ug PRA alang sa reclamation sa coastal road sa dakbayan.
Dagko kining butang alang sa mga nahimuyo duol sa Bago Aplaya-Agdao coastline tungod pwede nang maokupahan uy puy-an ang maong mga lawak. Dugang sab ni Cortez nga sa nahisgutang ihap sa ektaryas nga gi-reclaim sa syudad, pipila ka portions niini ang gigahin alang sa mga mananagat.
via || Bombo LJF
