Dead on the spot ang usa ka drayber sa motorsiklo human nadisgrasya sa Prk. 2, Brgy. San Jose, Compostela, Davao de Oro, kagahapon sa buntag.
Subay sa report sa kapulisan, nabangga ang motorsiklo nga skygo nga gisakyan sa wala pa mailhing biktima ngadto sa usa ka poste sa suga nga national highway sa nasampit nga baranggay.
Tungod sa kakusog sa pagkabangga, nalagpot ang mga biktima og napadulong sa basakan nga bahin duol sa karsada.
Samtang nadanyos usab ang poste nga gituohan nga nabunal ang drayber sa motorsiklo nga maoy hinungdan sa iyahang kamatayon.
Samtang ang angkas niini ang padayon nga gita,balan sa Davao De Oro District Hospital tungod sa mga samad og bun-og nga nahiaguman.
Dugang pa sa gihimong imbistigasyon sa kapulisan, kalit sumala pa nga nawad-an og control ang rider sa gimanihoang motorsiklo.
Samtang, sa pagkakaron ginasubay na ang pagkatawo sa mga nahisgutan diin narekober ang usa ka pula nga jersy nga adunay 21 nga numero og adunay nakasulay nga “Joel The Process Embid”.
