DAVAO CITY – Diha-diha nga nabugto-an sa iyang kinabuhi ang usa ka motorista human kini nabangga sa karatula nga gisulatan ug Slow Down sa Libby Road, Puan, Davao City alas 9:30 kagabii.
Ang biktima naila sa Talomo Police Station nga usa ka Joey Manggumayao, 31-anyos, taga Inas, Mlang, North Cotabato.
Subay sa imbestigsayon gikan sa Bago Gallera ang biktima ug padulong unta sa Puan sa dihang nahitabo ang disgrasya.
Daling girespondehan sa Cental 911 ang biktima apan nakabsan na kini sa iyang kinabuhi.
Posible matud pa nga paspas ang pagpadagan sa biktima sa iyang motorsiklo sa dihang nabangga kini sa slow down signage nga miresulta gayud sa iyang kamatayon.
Gidala sa purenarya ang biktima samtang ang iyang motorsiklo temporaryong gikustiduya sa kapolisan.
