DAVAO CITY – Gihaya na sa ilang pinuy-anan ang patay’ng lawas sa usa ka 59 anyos nga lalaki kinsa nabanggaan sa naghaguros nga bus samtang gisubay ang National Highway sa Sulop Davao Del Sur.
Biktima naila nga si Alberto Sarabillo, residente sa News Cebu Sulop Davao del Sur.
Gikanayong nagmaneho sa iyang motorsiklo ang biktima ug pag-abot niini sa Poblacion 6 sa Sulop mitabok kini sa Highway apan wala niini namatikdan ang naghaguros nga bus nga gimaneho sa usa ka Rogelio Laorneo, 41 anyos, lumulopyo sa Talisay Lipa Batangas hinungdan nga napasok sa ilalom ang biktima ug ang motorsiklo niini nga maoy hinungdan sa hinanaling kamatayon niini.
Hinuon gilayon nga mitahan sa kapulisan ang suspek ug gipasakahan ug kasong Reckless imprudence resulting to homicide.
