DAVAO CITY – Namatikdan sumala pa karon sa Land Transportation Office XI ang paggamit sa mga motorcycle riders ug baratuhon nga mga helmets inay nga kadtong mga girekomenda ug adunay quality seal gikan sa Department of Trade and Industry.
Matud pa kang Yuri Lim, LTO XI enforcement division team leader, namatikdan nila nga mas daghanang motorista ang mas gipili nga mopalit ug cap-type half-helmets inay nga kadtong mga full-face helmets.
Gitino sa nahisgutan nga ang Half-helmets alang lamang sa mga bisikleta ug gibaligya sa kantidad nga P500 kung itandi sa mga girekomenda nga anaa sa P3,000 pataas.
Gikanayon ang full helmets adunay Import Commodity Clearance (ICC) stickers.
Nasayran sa opisyal nga ang mga motorista nga molatas sa siyudad nga walay tukma nga proteksiyon sa kaulingon samtang nagmaneho ug motorsiklo mamahimong pahamtangan ug multa nga P10,000 ug kumpiskahon ang lisensiya.
Dako sab sumala pa ang posibilidad nga makaangkon ug seryoso nga fatal injuries sa nahigayon nga maaksidente ang mga nahisgutan. Samtang gikanayon sab ni Neil M Canedo, LTO XI assistant regional director, nga adunay 25 ka team ang ilang ahensiya nga maoy gitahasan sa pagtutok sa mga posibleng nakalapas sa balaud.
Aduna sab sumala pa sila’y mga deputized gikan sa Philippine National Police ingon man sa Davao City Transport and Traffic Management Office (CTTMO).
