Motor napasok sa likod sa truck, drayber patay

Nakabsan sa kinabuhi ang usa ka lalaki nga nagmotorsiklo nga si alyas Jason human kini nabangga ug nadasok ilawom sa usa ka truck nga nagkarga og motorsiklo sa Km. 23, Daang Maharlika Highway Calderon, Bunawan, ning dakbayan sa Davao .

Subay sa report sa kapulisan pasado alas-7:00 kagabii nahitabo ang disgrasya.

Makita sa video nga nagkulob ug wala na naglihok ang biktima.

Nabantayan usab ang daghang dugo nga miawas sa ulo niini.

Padayon pa usab ang gihimong imbistigasyon sa kapulisan sa maong panghitabo.