Namatay ang usa ka 47-anyos nga lalaki human malambigit sa makuyaw nga aksidente tali sa motorsiklo, van, ug truck sa Daang Maharlika Highway, Panacan, Davao City pasado alas-12 sa kaadlawon, Oktubre 27, 2025.
Ang biktima giilang si Reynaldo Babor, residente sa Davao City.
Base sa inisyal nga imbestigasyon sa Davao City Police Office (DCPO), patabok matud pa sa highway si Babor sakay sa iyang motorsiklo sa dihang kalit siyang nabanggaan sa van.
Tungod sa kusog nga impact, nalagpot ang biktima ug napasok sa ilawom sa truck nga maoy nakapahinungdan sa iyang grabeng samad.
pa sa Southern Philippines Medical Center (SPMC) ang biktima, apan nakabsan kini sa kinabuhi human sa usa ka oras nga paningkamot sa mga doktor.
Sa pagkakaron, anaa na sa kustodiya sa kapulisan ang mga driver sa van ug truck alang sa tukmang disposisyon ug padayon ang imbestigasyon aron masuta ang tinuod nga hinungdan sa aksidente.
Gipahimangnoan sa kapulisan ang mga motorista nga maghinay og dagan ug magbantay sa mga pedestrian lane, ilabi na sa mga dapit nga kulang ang suga o trapik nga mga timailhan, aron malikayan ang susamang trahedya.
