Balhog sa bilangguan sa Lupon Municipal Police Station ang ikaduhang Most Wanted Person (Municipal Level) sa kasong rape alas kuatro sa hapon sa Prk. Cebulida, Brgy. Poblacion, Lupon.
Nadakpan sa hiniusang pwersa sa kapulisan ang suspek nga si alyas “Jie” 35 anyos, usa ka mananagat nga residente sa Brgy. Maputi, Banaybanay, Davao Oriental.
Gidakop ang nahisgutan gumikan sa naka-ong-ong nga warrant of arrest gumikan sa pagsupak sa kasong rape pinaagi sa Sexual Assault nga gipaguwa niadtong Mayo katorse nga walay girekomendang pyansa nga gi-isyu ni Presiding Judge sa Regional Trial Court, sa Eleventh Judicial Region, Lupon Davao Oriental.
Sa pagkakaron, ang dinakpan ang anaa na sa kustodiya sa kapulisan ug gihulat na lamang ang kamanduan gikan sa korte.
