Gipahayag sa Department of Agriculture (DA) nga mukabat na sa P350.85 million ang inisyal nga kantidad sa kadaot sa sektor sa agrikultura nga gibilin ni bagyong Enteng.
Gumikan niini, naapektuhan ang 13,623 ka mga mag-uuma ug mangingisda subay sa initial assessment sa regional field offices partikular na sa Bicol.
Samtang gibana-banaang mukabat sa 14,814 metrikong tonelada usab gikan sa mosobra sa 8,000 ektaryang kaumahan ang gilapdon sa production loss.
Pinakagrabeng naapektuhan sa bagyo ang mga kahumayan nga mitala ug P333.08 million nga kantidad sa damyos.
Samtang sa maisan usab, anaa sa P14.01 million samtang sa high value crops ang anaa sa P3.76 million.
Mihimo na usab ug lakang ang ahensya aron mahatdan ug hinabang ang mga apektadong mag-uuma. Nakaandam na usab ang Philippine Crop Insurance Corp. aron mabayran ang damyos sa mga insured nga apektadong mag-uuma.
