Dili mo-ubos sa 3,589 ka mga indibiduwal gikan sa 983 ka pamilya ang gipabalhin gikan sa pipila ka syudad ug lungsod sa probinsya sa Albay gumikan sa padayong pag-alburuto sa Bulkang Mayon.
Subay sa datos sa Albay Provincial Information Office, ang mga evacuees ang nagagikan sa Tabaco City ug sa mga kalungsuran sa Malilipot, Camalig, Guinobatan ug Ligao City.
Kadaghanan sa mga residente, nanimuyo sa sulod o haduol sa mga gideklarang dangerzone sa bulkan. Samtang gibutyag usab sa Philippine Institute of Volcanology and Seismology (PHIVOLCS) nga gikatala niini ang dome-collapse pyroclastic density current (PDC).
Gikumperma usab sa PHIVOLCS ang pag-ulan ug abo sa pipila ka bahin sa Legazpi City, Ligao City, ug sa mga kalungsuran sa Bacacay, Camalig, ug Daraga.
Nagpasidaan usab ang mga awtoridad sa posibleng pag-agas sa lahar sa higayong adunay makusog nga pag-ulan, ilabi na nga padayong natigom ang volcanic materials sa mga kilid sa bulkan.
