Gikumperma sa Department of Education (DepEd) nga mosobra na sa 2.6 milyong estudyante ang naapektuhan sa nakalabayng bagyong Julian sa nasud.
Mukabat usab sa halos P85 milyon ang nahimong kadaut sa bagyo sa mga building o tulunghaan.
Subay sa datos sa ahensya, 8,200 na ka mga tulunghaan sa nasud ang apektado lakip na ang 37 Division gikan sa lima ka mga rehiyon.
Kini ang gilangkuban sa Ilocos, Cagayan Valley, Cordillera, Central Luzon ug rehiyon sa CALABARZON.
Gikan sa nahisgutang numero, 22 sa mga tulunghaan ang gibaha samtang 23 ka mga tulunghaan ang gihimong evacuation center.
Gikatala usab sa DepEd nga mukabat sa 14 ka mga tulunghaan ang totally damage ug 100 schools ang partially damaged.
Gawas sa mga estudyante, apektado usab sa bagyo ang mosobra sa 130,000 ka mga magtutudlo ug non-teaching personnel
