DAVAO CITY – Gikatakda na nga ablihan ang upat ka andanas nga modernong public library sa lokal nga kagamhanan sa bulan sa Hunyo niining tuig kasamtangan.
Sumala pa kang Salome “Sandy” Enoc, officer-in-charge (OIC)-City Librarian, nga nagpahigayon na lamang sila karun ug pipila ka mga finishing touches sa interior sa gambalay ug nagpadayon pa sab ang pagpahimutang ug gadgets nga laumang matapos sa mosunod nga bulan.
Ang gitukod nga gambalay nahimutang sa C. Bangoy Street sa Barangay 34-D nga una ng gisugdan kaniadtong Abril 24, 2018.
Gitataw ni Enoc mao ang bag-ong library nga hulip sa kanhi library nga nahimutang sa ikatulong andanas sa Sangguniang Panlungsod building.
Gikanayong ang pipila ka mga materyales sa old public library ang ibalhin sab sa bag-o nga gambalay.
Apan gikanayon sa opisyal nga wala pa nahisgutan karun kung ablihan ang library sulod sa 24/7 dili sama sa old library nga mag-abli sugod sa alas siete sa buntag hangtud na sa alas siete sa gabie.
Wala pa sab sila karun nakapahigayon ug lkain nga survey arun subayon kung unsa ang pili-on sa mga Dabawenyos arun nga mas mahimong maayo ang ilang serbisyo ug mahatag ang panginahanglan sa publiko.
Laraw sab karun sa mga nagdumala sa City Library nga paarkilahan ang ground floor ilabi na kadtong buot nga mag-abli ug coffee shop.
Una ng nasayran nga ang bag-ong library adunay informal reading area alang sa mga bata, adult reading room, amphitheater, information technology center, ug conference room. Aduna sab sumala pay organic garden nga ipahimutang sa rooftop sa bag-ong gambalay.
