DAVAO CITY – Hapit na ablihan sa publiko ang modernong City Library & Information Center sa dakbayan sa Davao.
Usa kini ka 4-storey library alang sa mga Dabawenyo. Aduna kini reading areas alang sa mga bata ug hamtong, amphitheater, information technology center, ug conference rooms.
Aduna sab pagatukurong coffee shop sa unang andana sa buliding ug open-air organic garden sa rooftop niini.
Gikanayon sa overall Head sa maong buhatan nga si Arnel Enoc, mag-release ang CLIC ug library card alang sa mga buot mutungha sa maong library.
Ang mga buot manag-iya ug ID card, adunay higayon nga makapanuki-duki sulod sa library gamit ang mga libro gawas na lamang sa paggamit og internet. Pwede mukuha ug regular ID nga nagkantidad og P30.
Sa mga dili taga-Davao nga buot musulod sa library, gitanyag sab ang PVC ID diin makagamit sab ang mga buot manag-iya niini sa internet ug usa ka oras nga makahiram pa ug libro nga madala gawas sa library sa kantidad nga P100.
Sa mga buot mukuha ug library ID, i-download ang Davao Safe QR application diin gikinahanglan kini pasulod sa library, human niana mag-fill in ug form.
Magpahigayon sab og survey ang mga city librarians kalabot sa mga serbisyong ginadalit sa library ug ang pag-abli niini 24/7. Sa ikaduhang semana na sa Hulyo subling pagaablihan alang sa tanan ang City Library & Information Center ug nahimutang kini sa C. Bangoy Street ning syudad sa Davao.
By Bombo LJ Florendo
