DAVAO CITY – Gikanayon ni Dionisio Abude Jr. head sa City Transport and Traffic Management Office (CTTMO) nga sugdan gilayon sa lokal nga kagamhanan ang mobile anti-COVID vaccination nga alang sa mga public transport sector kalakip na sa jeepney ug tricycle drivers sa higayon nga moabot na ang dugang nga bakuna.
Sumala pa kang abude nga nakiglambigit na sila tali sa tricycle operators ug driver’s associations (TODAs) aron nga masubay ang ilang mga miyembro nga wala pa nabakunahan.
Gikanayong ang mobile vaccination ang dugang sa 59 vaccination sites nga gimugna aron nga mapalig-on pa ang COVID-19 vaccination program alang sa mga dabawenyos.
Gitataw sab ni Abude nga mamahimo na sab nila nga sugdan ang vaccination sa Calinan kung naa na ang bakuna.
Ang Calinan Gym usa sa mga giilang vaccination site sa lugar samtang ang jab site sa Toril ang padayon pa karon nga gisapinal.
Gi-asikaso na sab karon ang listahan sa Bunawan area aron nga dali na lamang ang ipahigayon nga pagbakuna.
Subay sa ulahing data, dul-an sa 7,000 drivers ang nakadawat na ug anti-COVID vaccines sa Agro vaccination site sukad nga gisugdan ang transportation sector vaccination kaniadtong Hulyo 2.
