DAVAO CITY – Gilauman nga momugna ug memorandum of agreement (MOA) ang kagamhanang dakbayan ug Land Transportation Office (LTO) alang sa Database Sharing program.
Kini human nga na-aprobahan sa ikaduhang pagbasa sa konseho ang ordenansa nga nagtugot kang Davao City Mayor Inday Sara Duterte-Carpio nga molagda ug MOA isip representante sa dakbayan.
Ubos sa nahisgutan nga memorandum of agreement maka-direct access ang City Tansport and Traffic Management Office (CTTMO) sa mga file sa LTO, sama sab sa LTO ngadto sa database sa lokal nga kagamhanan.
Sa bahin sa LGU tawagon kini nga Local Government Unit Integrated Law Enforcement System.
Makatabang ang nahisgutan nga shared access alang sa implementasyon sa no contact apprehension data base aron nga paspas nga mamonitor ang mga sakyanan nga dunay mga kalapasan sa balaod trapeko.
