DAVAO CITY – Gikapungot sa Moro National Liberation Front (MNLF) ang pag-certify isip urgent sa proposed Bangsamoro Basic Law (BBL).
Gitataw ni Rolando Olamit, MNLF Founding Chairman sa dakbayan sa Davao nga gisakitan si MNLF Founding Chairman Nur Misuari sa nahimong lakang ni Pangulong Rodrigo Duterte.
Sumala pa kang Olamit nga nagpa-abot karon ang MNLF ug pagpasabot gikan kang Pangulong Rodrigo Duterte, sa dili pa sila mohimo ug plano sa mosunod nila nga lakang labot sa BBL.
Nabalaka si Olamit nga hingpit na nga maitsapwera ang ilang pwersa sa mga dapit nga gamhan sa BBL.
Masaligon hinoon ang MNLF nga wala mahilakip sa BBL ang police power ug ang nasodnong kagamhanan pa gihapon ang dunay kontrol sa lugar.
Gilauman sab sa MNLF nga mohaum sa gitinguha nila nga pederalismo ang pagpatuman sa BBL.
