DAVAO CITY – Mi-atubang si MNLF founding chairman Nur Misuari sa gibana-banaang 10,000 ka mga kanhi combatants, supporters, ug mga kaalyado Moro National Liberation Front (MNLF) sa Football Field sa Davao Crocodile Park atol sa ilang pagsaulog sa ika-50th nga anibersaryo sa Jabidah Massacre, diin gi-awhag niini katawhan nga mamahimong kabahin sa government military.
Matud pa kang Misuari buot ni Pangulong Rodrigo Duterte nga momugna ug 15,000-strong all-Moro military division.
Matud pa kang Misuari nga nahitabong masaker sa Moro trainees sa Corregidor Island kaniadtong Marso 18, 1968 mao sumala pay hinungdan sa Moro rebellion nga gipangunahan sa organisasyon sa MNLF sa tuig 1972.
Gitataw sab ni Misuari nga gipahibalo sumala pa siya sa gobyerno sa Indonesia nga mihatag ang Pangulo ug imprimatur nga dawaton ang sugyot nga mag-deploy ug 10 ka mga dagkong naval boats palibot sa territorial waters sa nasud.
Gikanayong katunga sa officers ang crew gikan sa Indonesian armed forces samtang ang laing katunga ang maggikan sa Armed forces nga gikan sa MNLF.
