Patay ang usa ka myembro sa demolition team human nga naunay sumala pa kini og pusil sa kauban pasado alas alas Dos sa Kaadlawon.
Subay sa report sa Talomo Police Station,giila ang biktima nga si Nolly Campos, 30-anyos nga residente sa Maa ning dakbayan sa Davao.
Samtang ang suspek nga nakapusil nga kauban ra usab sa biktima ang giila nga si “Jun Jun Libat” nga misibat human sa maong panghitabo.
Subay sa gihimong imbistigasyon sa kapulisan, nahitabo sumala pa ang iligal nga demolisyon sa San Roque, Bangkal diin misangpot kini sa kaguliyang gumikan misukol ang mga residente.
Gumikan sa maong panghitabo, dali nga girespondehan sa mga otoridad ang nasampit nga lugar ug adunay pipila ka mga indibidwal ang nadakpan.
Sumala pa sa mga otoridad, adunay 65 ka mga indibidwal ang nadakpan, samtang adunay 9 ka mga menor de edad ang gipang-rescue nga gihatod na karon sa CSWDO.
Nasayran nga gipugos sumala pa nga gipangguba sa gibana-banaan nga 200 ka mga indibidwal, kalip na ang biktima sa pagpamusil nga misulod sa nasampit nga lugar.
Sa pagkakaron giandam na mga ipasakang kaso batok sa mga dinakpan ingon man ang mga nakasibat atol sa maong panghitabo.
