DAVAO CITY – Gisugdan na sa Dakbayan sa Davao ang pagpabakuna sa mga miyembro sa Pantawid Pamilyang Pilipino Program kon 4Ps sa Department of Social Welfare and Development.
Lakip usab sila A5 Priority Group kon Indigent Population.
Gikanayon sa 4Ps Regional Program Coordinator sa DSWD XI nga si Margie Cabido, dali ra nga naapil sa vaccination program ang mga sakop sa 4Ps tungod accessible ang ilang mga datos.
Aduna usab vaccination sites nga maka-akomodar sa 4Ps sama sa Magallanes Elementary School, SM City Davao, Buhangin Central Elementary School, Matina Aplaya Elementary School, F. Dizon Elementary School, Davao City National High School, Malagos Central Elementary School, A. Mabini Elementary School, ug ang KorPhil Vocational Training Center.
Ang Calinan Central Elementary School usab, ginaandam na ang pag-akomodar sa A5 Priority Group sa musunod nga bulan.
Nanghangyo usab si Cabido nga dili mag-walk-in sa mga vaccination site ang mga 4Ps member ug maghulat usa sa text alang sa schedule sa ilang pagpabakuna.
