-- ADVERTISEMENT --
DAVAO CITY – Suliran sa iyang pamilya ang gitudlong hinungdan nganong nakadesisyon ang usa ka mister sa pagkutlo sa iyang kinabuhi.
Gikanayong nakita na lamang sa iyang anak ang biktima nga nailang si Mateo Banzuela, 54 anyos, residente sa Luna St. Brgy. Zone 3 Digos nga nagbitay sa punoan sa mangga nga nahimutang sa tugkaran sa ilang panimalay.
Gikanayong nagbaton ang problema si Mateo sa iyang asawa ug posibleng tungod sa grabe nga depresyon, nakadesisyon na lamang kini sa pakutlo sa iyang kinabuhi.
Walay nakitang foul play ang kapulisan sa kamatayon sa biktima nga kasamtangang gipahiluna na karon sa usa ka lokal nga punerarya sa Digos.
