“The most bashed in the universe” Kini ang nahimong reaction sa pipila ka mga nitizen human nga nakadawat og pangbatikos online ang bag-ong gikoronahan nga Miss Universe 2025 nga si Fátima Bosch gikan sa Mexico sa final competition sa 74th edition sa prestihiyosong international pageant nga gipahigayon sa Bangkok, Thailand niining kagahapong adlawa.
Nasayran nga human sa koronasyon daghan ang wala nakauyon sa pagkapili kaniya ilabi na sa sulod mismo sa venue, nga nakadawat kini og negatibing reaksyon ug nakadawat pa gyud kini og pagpang”Boo” sa mga nanan-aw.
Sa kadaugan ni Bosch iyahang kontra sa 120 ka kandidata gikan sa lain-laing nasud ug nakab-ot ang pinaka-coveted nga Miss Universe crown.
Gikoronan siya sa iyang predecessor nga si Miss Universe 2024 Victoria Kjær Theilvig gikan sa Denmark.
Sa final Q&A round, gipangutana ang top 5 contestants sa susamang pangutana nga bisan simple, puno og kahulugan: “If you win the title of Miss Universe 2025 tonight, how would you use this platform to empower young girls?”
Sa iyang winning answer, klaro ug diretso ang mensahe nga iyang gipahimutang alang sa mga kabatan-onang babaye nga makakita sa ilahang kaugalingon kaniya.{VC-MISS UNIVERSE}.
Si Bosch, gikan sa Tabasco, Mexico,nagbutyag nga iyang gisuwayan ang Dyslexia ug ADHD sa iyang pagka-estudyante, ug kini karon nagsilbing plataporma aron iduso ang Neurodiversity.
Kahinumdoman nga nahimong sentro siya sa kontrobersiya human mag-walkout sa wala pa ang sashing ceremony sa Miss Universe 2025 niadtong November 4.
Kini misunod sa komprontasyon nila ni Miss Universe Organization vice-president for Asia and Oceania Nawat Itsaragrisil tungod sa kapakyasan sa pag-post sa promotional content sa bahin sa Thailand.
Giingnan usab ni Nawat nga “dumb” si Bosch, base sa interview sa Mexican beauty queen.
Nagpakita og suporta kaniya si Miss Universe 2024 Theilvig nga kauban niyang nag-walkout ug pipila pa ka mga kandidata.
Bisan pa sa kontrobersiya, wala na-undang si Bosch ug mibarog sa iyang baruganan isip representante sa Miss Universe ug wala mahadlok nga ipaabot ang iyang tingog
Samtang, mao kini ang Top 5 placements sa Miss Universe 2025:
1st runner-up: Praveenar Singh (Thailand)
2nd runner-up: Stephany Abasali (Venezuela)
3rd runner-up: Ahtisa Manalo (Philippines)
4th runner-up: Olivia Yace (Cote d’Ivoire)
