Laraw karon sa owner sa Miss Grand International nga si Nawat Itsaragrisil kung tanggalan ug titulo ang Miss MGI second runner-up gikan kang Miss Grand Myanmar nga si Thae Su Nyein kabahin sa gipakitang taras niini sa team human ang coronation night niadtong Biyernes.
Subay sa pahayag sa TikTok ni Nawat nga ang desisyon sa kapalaran ni Thae sa mga mosunod nga mga adlaw mahibal-an.
Gawas sa gipakitang pagbinastos sumala pa sa Myanmar team human nga wala modaog ang ilahang kandidata, gipunto ni Nawat nga adunay kakulangon si Thae hinungdan nga anaa lamang kini sa second-runner up.
Sumala pa sa tag-iya, wala motambong sa mga press interviews ug dali nga nagpadala sa pressure ang dalaga.
Dugang pa ni Nawat,nakita sab niini ang unprofessionalism sa gihimo niining pag-walkout human ang coronation night.
Una paman niini, nag-viral ang video sa gihimog pagkha sa MGI-Myanmar national director nga si SooMin Tun sa korona ni Thae samtang anaa sa stage ang kandidata.
Pagkataud-taod, gitanggal niini ang sash ug gibalibag sa mga kaubanan nga migawas sa venue.
