DAVAO CITY – Dead on arrival ang usa ka Aljean Garciano Sotto 25, taga Campo 5, Brgy. Talomo River, Calinan D.C. human kini gidunggab. Ang suspek iyaha ra usab nga kaipon nga si Ronie Sampiano Sabio 47, diin anaa na karon sa kostudiya sa Kapulisan.
Sa inisyal nga imbistigasyon sa kapulisan, alas 4 pm, kagahapon, buot na unta nga mbiya ang biktima sa iyahang kaipon kauban ang iyahang duha ka mga anak ug mouban sa iyahang iyaan sa Tagum city. Apan, gipugngan sumala pa sa suspek ang biktima,hinungdan nga nagkalalis ang duruha ug misangpot sa pagpanunggab. Gamit ang kutsilyo, diin igo ang biktima sa iyahang wala nga dughan.
Nasayran nga napriso na ang suspek niadtong Enero 10 ning kasamtangang tuig tungod sa paglapas sa RA 9262 ug RA 7610, apan nakagawas kini tungod sa pyansa niadtong Enero 15. Mibiya sumala pa ang biktima sa ilahang panimalay, apan mibalik kini kauban ang iyahang iyaan ug uyuan aron nga mananghid nga magpalayo na kini sa suspek tungod sa kadagmalan.
Motibo sa pagpatay sa suspek ang hilabihang selos, kini tungod kay batan-on pa ang iyahang kaipon ug hadlok kining mapulihan ug bulagan hinungdan nga iyaha kining napatay.
Kasong murder ang ipasakang kaso sa dinakpan.
