DAVAO CITY – Magpahigayon karong adlawa ug santos nga misa sa Roxas ning dakbayan sa Davao isip paghinumdom sa ika-lima ka tuig nga anibersaryo sa duguon Roxas night market bombing nga gikamatay sa 15 ka mga indibidwal ug gika-angol sa laing 70 pa ka mga biktima.
Sukad nga nahitabo ang insidente, naandan na sa dakbayan ang maghalad ug pag-ampo sa mga nahimong biktima sa pagpanguna ni Davao City Mayor Inday Sara Duterte-Carpio ug pipila ka mga survivors.
Kahinumduman nga una ng mi-angkon sa krimen ang Militant Islamic group Abu Sayyaf apan sa ulahi ila kining gibakwi ang krimen ug gitudlo ang ilang kaubanan nga Daulat Ul-Islamiya isig pagpakita ug simpatiya ngadto kanila.
Apan kaniadtong Oktubre 2, 2016, tulo sa napulo ka mga suspek ang nasikop diin ang mga nahisgutan susama nga sakop sa Maute Group nga aduna pa gihapoy kalabotan sa Abu Sayyaf.
Bisan nga naangkon na sa mga kabanay sa namatay nga biktima, dili pa gihapon mawala sa ilang panumduman ang ngilngig nga insidente nga ilang dad-on hangtud sa umaabot pa nga panahon.
