DAVAO CITY – Gipasalig sa opesyal sa kagamhanan nga kasugdan na gayud ug mahuman atol sa termino ni Pangulong Rodrigo Duterte ang Mindanao Railyway Project.
Nagpaluyo sa nahisgutan nga proyekto ang kagamhanan sa China.
Kagamhanan ang mopili sa mamahimong contractor, apan dunay mga pinoy nga molangkob sa nahisgutan nga trabaho.
Sumala pa kang Pat Mae ‘Cillo’ Ruevivar, Deputy Project Manager sa Mindanao Railway Project nga misaad na ang nasod China nga sa 2021 mamahimo na nga operational na ang phase 1 sa train.
Gastohan ug mokabat ngadto sa nueventa milyones ka pesos ang nahisgutan nga proekto nga manukad sa Tagum City sa Davao del Norte pasulod dinhi sa dakbayan sa Davao, lahos na ngadto sa Digos City sa Davao del Sur.
Gitinguha sa Mindanao Railway Project nga mahuman ang phase 1, diin sugdan dayon ang feasibility study alang sa uban pa nga mga phase ug proyekto.
