DAVAO CITY – Dako sumala pa ang ihatud nga kalamboan sa Mindanao sa nahimong partnership tali sa kagamhanan pinaagi sa Mindanao Development Authority ug Ministry of Economy, Trade and Industry sa nasud Japan.
Una ng gibutyag ni MinDA Chairman, Secretary Datu Abul Khayr Alonto, nga usa sa posibleng proyekto nga hatagan ug pagtagad mao ang rehabilitation sa Agus-Pulangi Hydropower Complexes, pagpalambo sa disaster resiliency sa power distribution networks, pagpromotar sa renewable energy sama sa geothermal ug wind power, ingon man pagpalambo sa electricity distribution sa mga lugar nga hinay ang kuryente sama na lamang sa Basilan-Sulu-Tawi-Tawi (BASULTA) area.
Gitataw sab ni Alonto nga ang kagamhanan sa Japan mitanyag ug two-step loans alang sa maong proyekto samtang ang feasibility studies itanyag isip grants.
