DAVAO CITY – Gitin-aw ni MinDA secretary Mabel Sunga-Acosta nga dili mangilabot ang ilang ahensiya sa mamahimong desisyon sa Department of Environment and Natural Resources 11 (DENR 11) labot sa sumala pa mga mining activities nga gikatahong maoy hinungdan sa pollution nga natigayon sa Mapagda River sa Banaybanay, Davao Oriental.
Usaka team gikan sa DENR 11 ang milusad ug imbestigasyon ug and assessment sa nahisgutang dapit aron masayran kung unsa hinungdan sa grabe nga siltation ug discoloration sa Mapagda River human ang kusog nga pag-ulan sulod sa kapin 12 ka oras sugod January 13 hangtud January 14, 2022.
Sumala ni Acosta, adunay set of regulations ug proseso nga ginasunod ang DENR 11.
Dugang pa ni Acosta nga ang MinDa ang mangilabot lamang sa sa rehabilitation ug recovery ilabi na sa livelihood sa mga mawad-ann ug trabaho sa higayon nga mohunong sa ilang operasyon ang mining company.
Na-una nang mipagawas ang DENR 11 ug cease and desist order, Notice of Violation (NOV), ug show-cause order niadtong January 17, 2022 sa Riverbend Consolidated Mining Corporation/Arc Nickel Resources, Inc. (ANRI) nga nahimutang sa Banaybanay, Davao Oriental, ang kompanya nga nalambigit sa siltation incident. Gipunto ni Acosta nga ang MinDA ang kanunay nga manguna alang sa sustainable development.
