Gisaad karon sa DSWD 11 nga magpatuman kini og milk feeding programs nga magdepende sa budget aron mas mapalambo pa ang nutrisyon sa mga kabataan sa rehiyon gawas sa feeding program ng kasamtangan nga gipatuman.
Gilauman nga sa giplano nga milk feeding program, makabenepisyo niini ang mga bata sa nahisgutang lungsod, lakip na ang Jose Abad Santos ug Sta. Maria, sa Davao Occidental, Laak, Davao de Oro ug Mati City sa Davao Oriental.
Una na nga gibutyag tala sa Department of Social Welfare and Development 11 nga ang Talaingod, Davao del Norte ang adunay labihang kadaghang underweight nga mga bata sa tibook Davao Region.
Mokabat sa kapin 700 ka mga kabataan sa nasampit nga munisipalidad ang gikonsedera nga kulang sa nutrisyon o malnourish subay sa gipahigayong supplemental feeding program sulod sa 120 ka adlaw nga gipangunahan sa Department of Social Welfare and Development kon (DSWD).
Sumala kang Crislyn G. Tabor, nutritionist-dietician sa DSWD rehiyon 11 lakip usab ang Jose Abad Santos sa Davao Occidental nga adunay susamang isyu ug gisundan sa lain pang mga lugar nga mao ang Sta. Maria, Mati City, Laak ug Buhangin.
Gibutyag sa DSWD 11 nga anaa sa 512 ang ihap niini.
Bisan pa man niini, gikanayon nga aduna kini positibong kausaban human sa nagpadayung feeding activities, partikular sa implementasyon sa Supplementary Feeding Program (SFP).
Dugang pa sa ahensya, sa 13,313 ka mga bata nga gi-assess, 369 niini ang nakitaan og improvement, kung diin padayun ang ilang ginahimong pagpalig-on sa nutrisyon sa mga bata, diin gi-awhag usab nila ang local government units nga mas palig-onon pa ang suporta sa nutritional programs.
