DAVAO CITY – Nakubkoban og narekober sa kasundalohan ang mga gilubong nga high powered firearms sa New Peoples Army.
Tipik lamang kini sa gihatag nga impormasyon sa mitahan nga rebelde kaniadtong Disyembre 1, diin malampuson nga nakubkoban sa 701st Infantry Brigade, intelligence units sa 104MICO, 66th Infantry Battalion, 48th Infantry Battalion, RMFB 11, RPSB Cluster 8, Davao Oriental Police Provincial Office ug intel unit sa Airforce.
Pipila sa mga armas nga narekober ang gilangkuban sa usa ka Cal 7.62 M14 Rifle, usa ka Cal 5.56 M16 Rifle ug usa ka Cal 5.56 Bushmaster Rifle sa bukiron nga bahin sa Sitio Magkilo, Barangay Marayag Lupon, Davao Oriental.
Nagpahayag sab ug pagpasalamat si 701st Brigade Commander Col. Oliver Maquiling sa kooperasyon nga gihatag sa kanhi NPA hinungdan nga malampuson ang ilang operasyon.
