DAVAO CITY – Gibasol sa usa ka organisasyon sa mga lumad ang kasundalohan sa gideklarang persona non grata nga gipagula batok kanila sa council of Lumad elders sa munisipalidad sa Talaingod, Davao del Norte.
Matud pa kang Jong Monzon, tigpamaba sa Pasaka Confederation sa Lumad Organizations, nga ang gideklara sumala pa nga persona non-grata sa Office of the Ata Manobo Council of Elders usa sumala pa ka tin-aw nga pamaagi aron nga pugngan ang pagpatuman sa rehabilitation programs sa Department of Social Welfare and Development.
Ang maong deklarasyon nagtumong nga malikayan ang pagsulod sa PASAKA, kauban ang Mindanao Interfaith Services Foundation Incorporated, Karapatan Alliance of Human Rights, Rural Missionaries of the Philippines, ug SILDAP.
Ang nahisgutan nga deklarasyon gilagdaan ni Municipal Indigenous People Mandatory Representative Bae Pilar Libayao ug Elders Datu Linasod Sibogan, Datu Ltawagan Bangilon, Datu Jaime Panuayan, Datu Maning Andilong, Datu Isokoy Lumangkoy, Datu Banao Bubunan, Datu Mariano Causing, Datu parumla Antulad, Datu Loganyaan Sigan-a, ug Datu Benancio Bantacan.
Nagtuo si Monzon nga ang nahisgutan nga deklarasyon adunay kalabutan sa joint resolution nga gi-isyu sa Regional Peace and Order Council and the Regional Defense Council nga nag-awhag sa office of the President nga i-review ang memorandum nga gilagdaan tali sa DSWD ug PASAKA.
