DAVAO CITY – Nakatala sumala pa ang Department of Social Welfare and Development (DSWD)-Davao Region ug 21.32 percent o 43,446 ka mga benepisyaryo sa Pantawid Pamilyang Pilipino Program (4Ps) nga nag-enjoy sa ilang self-sufficient status kini subay sa ilang 2016 assessment.
Matud pa kang DSWD-Davao regional director Mercedita Jabagat, nga subay sa ilang accomplishment report alang sa 2016, adunay kinatibuk-ang 203,753 ka mga active household beneficiaries ilalom sa 4PS dinhi sa Davao region diin sa nahisgutan nga ihap, 75 percent o 157,906 niini ang adunay pagsaka sa ilang status gikan sa survival paingon na sa subsistence level.
Migamit sumala pa ang ahensiya ug indicators aron masubay ang level sa matag pamilya kung milambo ba ang ilang kinabuhi o makonsidera pa gihapon sila nga “kabus”.
