Gitouhan nga milagroso nga tubig sa usa ka templo sa Vrindavan, India, diin nagkagubot ang mga deboto, sa giila nila nga ginoo nga si Krishna, gumikan adunay tubig nga midagayday gikan sa usa ka bangag sa elepanteng istatuwa.
Ang maong tubig gitoohan nila nga milagroso ug gikonsider nga ‘bindita’ nga gikan sa lapa-lapa ni Krishna.
Gitawag nila kini nga Charan Amrit o ang sagrado nga tubig gikan sa ilang gina-simba nga ginoo.
Dali nga gisalod sa mga deboto ang tubig og ginagamit kini isip haplas ug ang uban niini gina-inom ang tubig og naghandom nga makahatag kini og kamaayohan sa lawas.
Apan, nakuratan ug gipangloud ang tanan human nga nakita nila nga ang gitouhan nga milagroso nga tubig usa diay ka hugaw nga tubig, tinulo sa aircon sa templo ug didto lamang niagi ang tubig sa gamay nga bangag sa elepante.
Sa pagka karon, gimandoan na ang mga otoridad sa maong lugar nga hugtan ang pag-dili sa pag-inom sa maong tubig.
