DAVAO CITY – Mikabat sa kinatibuk-ang 14 ka mga panimalay o 100 ka mga indibidwal nga nag-okupa sa 3,000 square meters sa Brgy. Bangtol, Marilog District ning dakbayan ang apektado sa gipahigayon nga demolisyon sa mga otoridad.
Kini adunay kalabutan nga gipatuman nga demolition order sa pagpanguna ni Sheriff Jennifer Laolao sa Municipal Trial Court in Cities (MTCC) Branch 6, kaabag ang mga personahe sa Davao City Police Office (DCPO) ilalom kang Colonel Alberto Lupaz.
Anaa sab atol sa demolisyon aron nga muhatag ug serbisyo ang mga sakop sa Bureau of Fire Protection, City Social Workers and Development Office, Brgy. Officials, Davao Light, ug Central 911.
Ang mga apektadong kababaen han, mga bata ug mga tigulang ang gi-atiman alang sa psycho-social intervention pinaagi sa Women’s and Children’s Protection Desk (WCPD) sa pagpanguna sba ni Major Ma. Teresita Gaspan ug CSWDO.
Hinuon malinawon sumala pa nga napahigayon kini sa otoridad ug gipasabot sa mga residente kung nganong kinahanglan nila nga ipatuman ang demolisyon sa mga gitukod nga mga panimalay sa maong luna kansa gibawi na sab sa tinuod nga nanag-iya niini.
