DAVAO CITY – Mukabat na ngadto sa dul-an 80,000 ka mga indibidwal ang nadakpan sa Davao City tungod sa pagsupak sa mga minimum health protocols taliwala sa pagpailalom sa Dakbayan ngadto sa Modified Enhanced Community Quarantine kon MECQ.
Sumala kini sa datos nga gipagula sa Davao City Public Safety and Security Command Center kon PSSCC.
Sa nahisgutang ihap, 29,683 ang nadakpan nga walay face mask; 20,559 ang wala mituman sa physical distancing; 20,501 ang wala nagsul-ob og face shield; 13,230 ang misupak sa curfew hours; 741 ang wala mituman sa liquor ban; 731 ang sa non-essential travel; ug 136 ang nasikop sa pagpameke sa RT-PCR test result. Sa kasamtangan, napasakaan na og kaso ang 7,852 ka mga indibidwal.
Sumala sa tagapangulo sa PSSCC nga si Angel Sumagaysay, fully-aware ang mga nadakpan apan mangisog ang uban sa mga otoridad.
Nihangyo usab si Sumagaysay sa mga Dabawenyo nga mutuman sa mga health protocols.
