DAVAO CITY – Mikabat sumala pa sa unom ka mga business process outsourcing (BPO) offices sa dakbayan sa Davao ang gipailalom karon sa lockdown gumikan sa clustering sa COVID-19 cases.
Sumala pa kang Dr. Michelle Schlosser, tigpamaba sa COVID-19 Task Force sa siyudad, nga usa niini ang nakatala ug 403 COVID-19 positive employees gikan sa 1,000 ka mga gipailalom sa test.
Laing kompanya sab ang gipasirado human nga 46 ka mga empleyado sab niini ang nangatakdan sa kagaw.
Hinuon wala na gibutyag sa Schlosser, ang mga natalang kaso sa covid-19 sa upat pa ka mga nahibilin nga buhatan.
Samtang gitawag niini nga “unfair” aron nga itandi sa OCTA projection ang kaso sa Quezon City ug dakbayan sa Davao nga nalabwan sumala pa ang kaso sa mga nangatakdan.
Kahinumduman nga ang padayon nga pagsaka sa kaso sa dakbayan sa Davao ang hinungdan nga nakadesisyon ang lokal nga kagamhanan nga subling ipailalom sa siyudad sa Modified Enhanced Community Quarantine (MECQ).
