DAVAO CITY – Moabot na sa halos 29 mil ka mga tawo ang nadakpan gumikan sa pagsupak sa gipatumang balaud batok covid 19 sukad subling gipatuman ang modified enhanced community quarantine (MECQ) sa dakbayan sa dabaw.
Gikanayon ni Public Safety and Security Command Center (PSSCC) Head Angel Sumagaysay nga gikan June 5, 2021 hangtud July 4, 2021, moabot na sa 9,003 ka indibiduwal ang nadakpan gumikan sa wala pagsul-ob ug face shields, nga maoy nag-una sa listahan sa nga nadakpang masinupakon.
Gisundan kini sa mga wala nagsul-ob ug face mask nga moabot sa 7,796, social distancing/mass gathering violators – 6,776, curfew violators – 4,126, mga naglatagaw – 956, liquor ban violators – 49, ug kadtong mga mipakita ug fake nga RT-PCR test results nga moabot sa 14. Dugang pa ni Sumagaysay nga sa 28,720, kinatibuk-ang 966 ang nag-atubang ug kaso.
Samtang, moabot na usab sa kinatibuk-ang 85,821 na ka mga violators gikan May 16, 202 hangtud July 4, 2021 ang nadakpan gumikan sa pagsupak sa covid 19 protocols and guidelines subay sa record sa Davao city covid 19 task for implementation cluster.
