DAVAO CITY – Giratipikahan na sa City Government of Davao ug Tourism Promotions Board ang Memorandum of Agreement kon MOA alang sa pag host sa syudad sa MICECon sunod tuig.
Gitambungan sa nagkadaiyang opisyal gikan sa Tourism Promotions Board kon TPB, Philippine MICE Conference, MICECon 2023 Davao Organizing Committee, City Tourism Operations Office ug public and private stakeholders ang signing ceremony.
Nanguna sila Tourism Promotions Board (TPB) Chief Operating Officer Maria Margarita Nograles ug Vice Mayor J Melchor Quitain sa pagpirma sa MOA diin unod niini ang pinal nga kasabutan alang sa pag host sa syudad sa MICECon 2023 nga ipahigayon gikan Marso 1 hangtod 3, sa tuig 2023. Lauman usab na ang ipahigayon nga aktibidad ang labing unang hybrid MICECon, nga dunay temang, “MICEConverge, Blaze New Trails”.
Gilauman ang kapin kinentos ka delegado nga langyaw ug local sa conference sunod tuig samtang anaa usab sa kapin usa ka libo ang participants nga muduyog virtually sa MICECon.
