DAVAO CITY – Labihang kurata sa mga saisenta ka mga pamilya nga residente sa Barisa Compound, JP Laurel Avenue, ning dakbayan sa Davao human sila gi-demolis alas 4:00 kaganinang kaadlawon.
Sumala pa kang Teresita Ayala, usa sa mga residente nga mga 1960 pa sila sugod nga mipuyo sa dapit nga ilang nasayran nga gipanag-iya sa Santo Rosario.
Sumala pa kang Teresita nga anaa sila mag-okopa sa excess lot nga gituohan nila nga maila gayud.
Sumala kang Richard Eroy, ang sheriff nga gihatagan ug kahigayonan ang mga residente nga nagmagahi sa pagbiya sa lugar nga makapangita ug dapit nga kapoy-an human nga wala misugot sa gihimong negosasyon.
Sa kasamtangan korte na gayud ang mideklara nga illegal ang pagpabilin sa mga residente sa luna nga iya sa Southern Philippines Medical Center (SPMC).
Halos tibuok pwersa sab sa Davao City Police Office ang mi-abot sa dapit ug alas otso sa buntag opesyal nga gisugdan ang gipatuman nga demolition. Gitataw ni PSI Maria Teresita Plaza Gaspan, tigpamaba sa DCPO nga ang ilang presensya sa lugar nagtumong lamang nga kapugngan ang bisan unsa nga kasamok.
