Mga vendors sa Agdao Public market mi-angal

DAVAO CITY  –  Mimulo ang mga vendors sa Agdao Public Market ang kapiot sa ilang pwesto hinongdan nga wala na’y kaagi-an ang ilang mga customer gumikan sa gipahimutang nga temporaryong gambalay alang sa mga awardees.

Miangal ang mga vendors gumikan kay dili na nila maablihan ang ilang pwesto gumukan kay nababagan kini sa haligi sa temporaryong gambalay. 

Gitukod ang temporaryong mga tindahan aron nga kabalhinan sa mga manindahay nga naapektohan sa renovation sa Agdao Public Market.

Una nang gipasalig ni Agdao Public Market Supervisor Maximo Macalipis nga dunay ipahimutang nga alley sa mga pwesto sa mga transient vendors apan gitiwas pa lamang nila ang pagpahimutang ug drainage ug gutter sa temporaryong palengke.