DAVAO CITY – Gibutyag ni City Health Office Technical Division Head Dr. Julinda Acosta nga anaa sa dakong risgo ang panglawas sa mga vendors sa Southern Philippines Medical Center (SPMC) hinungdan nga kinahanglan nga ipailalom ang mga nahisgutan sa surveillance testing.
Sumala pa kang Acosta anaa lamang sa palibut sa hospital ang mga vendors hinungdan nga dako ang posibilidad nga expose ang mga nahisgutan sa kagaw.
Sagad sab sumala pa sa mga nahisgutan ang ginapalitan sa mga watcher sa mga pasyente nga anaa sulod sa balay tambalanan hinungdan nga expose ang mga nahisgutan sa makamatay nga kagaw.
Kabahin pa gihapon ang nahisgutan nga lakang sa hugtanon nga lakang karon sa lokal nga kagamhanan aron nga mapugngan ang posibleng pagsaka sa Covid-19 ug masubay gilayon kung si kinsa ang mga natakdan aron nga dali kining madala sa isolation facility.
Una ng nasayran sa buhatan nga kapin dos syentos ka mga vendors nga duol sa nahisgutang balay tambalanan ang ilang gipailalom sa surveillance test ug gihulat na lamang karon ang resulta sa mga nahisgutan.
