DAVAO CITY – Wagtangon na sa City Government of Davao ang mga vaccination hubs nga anaa sa mga malls ug sa mga parks sugod Hulyo 1 ning tuig kasamtangan.
Gipahayag ni Davao City COVID-19 Task Force Spokesperson Dr. Michelle Schlosser alang sa mga magpabakuna batok COVID-19, didto na sa mga health centers muadto.
Apan magpadayon ang mobile vaccinations nga ginahimo lakip na ang school-based vaccinations ug ang sectoral vaccinations sa mga private ug public offices.
Samtang abli gihapon ang mosobra sa dise otso (18) ka mga health centers sa Davao City gikan alas 8:00 sa buntag hangtud alas 5:00 sa hapon, Lunes hangtud Biyernes.
Dugang ni Dr. Schlosser, nag-request ang vaccination cluster sa Davao COVID-19 Task Force nga mag-abli og vaccination hub bisan sa usa na lamang ka mall sa matag congressional district arun nga ma-cater ang mga dabawenyo nga bakante sa matag adlaw’ng Sabado.
Dungan niini, gihangyo sab sa COVID-19 Task Force nga ibilin ang usa ka drive-thru vaccination.
Subay sa datus, 80.67 % sa total target population nga 1,531,004 sa Davao City anaa na sa 87.43 percent o 1,338,584 ang nabakunahan sa first anti-COVID-19 vaccine shots as of June 17, 2022.
Samtang 1,320,221 o 86.23 percent ang nakakumpleto na sa 2nd dose.
Via || Rico Salva
