Mga utlanan sa dakbayan hugtanon nga gibantayan aron nga mapugngan ang delta variant

DAVAO CITY – Pabilin ang gipatumang hugtanon nga pagbantay sa mga utlanan sa dakbayan kini aron masiguro nga dili makasulod sa delta variant.

Hugtanon ang gihimong pagrikisa karon sa otoridad sa mga molatas sa checkpoint sa siyudad ilabi na kadtong gikan sa Northern Mindanao diin natala ang kaso sa Delta Variant o mas makatakod nga kagaw.

Nangayo lamang karon ug pagsabot nga nadestino sa mga checkpoint gumikan kay mituman lamang sila sa kamandoan ilabi na nga nagpabilin pa gihapon  hangtud karon ang bahad sa covid-19.

Kahinumduman nga dili pasudlon paingon sa dakbayan kadtong dili essential ang tuyo ug kung walay mapakita nga negative result sa RT-PCR test.

Pasudlon lamang kadtong emerhensiya o adunay trabaho dinhi sa dakbayan.