DAVAO CITY – Padayon karon nga nadungagan ang ihap sa mga tulonghaan sa dakbayan nga nagpahigayon na ang face-to-face (F2F) classes sukad kagahapon, Marso 28, 2022.
Subay sa datus sa Department of Education (DepEd), anaa na sa kinatibuk-ang 419 o 97.44 percent sa tulonghaan sa dakbayan ang subli na nga nangabli sa ilang klase o anaa sa 94 ka porsyento.
Apan gikanayon ni Deped spokesperson, Jenielito Atillo nga padayon ang illang gipahigayon nga evaluation sa mga nahibilin pa nga mga tulonghaan nga wala pa gihapon nakapadayon sa ilang F2F classes.
Sa kasamtangan aduna pa gihapoy mga private schools ang wala pa nagpadayon sa ilang klase diin usa pa lamang ang nag-F2F classes sa siyudad nga mao ang Faith International Academy.
Hinuon daghanang mga private schools na ang nagsumite sa ilang aplikasyon ug gi-proseso na kini sa kasamtangan sa buhatan.
Wala sumala pay gihatag nga timeline karon ang DepEd-Davao kung kanus-a subli nga mangabli ang mga pribadong tulonghaan.
Samtang wala sumala pay natala nga mga untoward incidents ang Deped sukad nga subling gipadayon ang F2F classes sa dakbayan ug hugtanon sumala pa nga gipatuman ang health ug safety protocols sa matag tulonghaan.
