DAVAO CITY – Gipasabot ni Jenielito Dodong Atillo, tigpamaba sa Department of Education (DepEd) Davao nga kinahanglan mutamud gayud ang mga tulonghaan sa School safety and assessment tool (SSAT) isip rekisitos arun nga i-rekomenda nga tugtan na sila nga maka-operate ilalom sa face to face classes.
Kinahanglan matud pa nga 100 porsyento kini nga ma-comply sa mga pampubliko ug pribadong tulonghaan nga muduso ug application ayha tugtan sa regional director sa Deped kung mamahimo na nga makapahigayon ug klase.
Nagpasabot sumala pa kini nga kinahanglan andam ang usa ka tulonghaan dili lamang sa ilang mga pasilidad kung dili lakip na sa uban nga resources nga gikinahanglan ilabi na nga nagpabilin pa gihapon karun ang bahad sa covid-19 dinhi sa dakbayan.
Kahinumduman nga ubay-ubay na ka mga tulonghaan sa Davao region ang nangabli sukad nga gipailalom ang pipila ka mga siyudad sa Davao region sa alert level 1.
Apan kinahanglan adunay mga lakang nga himuon ang mga tulonghaan arun nga mapabilin ang kahimsog sa mga estudyante.
