DAVAO CITY – Nanawagan ang Davao City Health Office ngadto sa mga trabahante na i-renew ang ilang mga health cards nga giisyu sa ilang buhatan.
Gikanayon ni CHO Dispensary Section Head Dr. Greggy Mark Yee, labing gikinahanglan kini sa mga nagtrabaho ilawom sa food industry, security, ug mga massage therapists.
Gitino niini nga mahinungdanon ang renewal sa health card aron dili sila madakpan o ang ilang kompanya.
Kinahanglan sab ang pagbansay sa mga food and non-food personnel sa pagbaton ug kalimpyo nga pangunahan sab sa mga personahe sa CHO sanitary inspectors.
Nakalatala ang buhatan ug pagsaka sa mga empleyado nga nakaproseso sa ilang health cards nga muabot sa 1,400 sa usa ka adlaw.
Dugang sa CHO nga target nga makahatag ang buhatan og 100,000 ka mga health cards karong tuiga apan 10,000 lamang ka mga indibidwal ang nakakuha niini.
lang sa mga trabahante nga buot makakuha sa ilang health card, mamahimo lang sa pagsumite sa application form, cedula, official receipt gikan sa City Treasurer’s Office, ug laboratory results depende sa ilang trabaho nga gisudlan.
Nagkantidad lamang ug 50 pesos ang usa ka health card sa syudad nga mamahimong maproseso dapit sa Gaisano Ilustre.
via || Bombo LJF
