DAVAO CITY – Nakurat ang mga estudyante sa University of the Philippines Mindanao (UPMin) human nga dili sumala pa i-apply sa tanan tinun-an ang libre nga tuition.
Kahinumduman nga gihatagan ug notices sa deadline of payment ni UP president Danilo Concepcion ang mga tinun-an human ang gipagula bag-ohay pa lamang nga deferred assessment system sa unibersidad.
Subay sa gipagula nga memo, ang mga non-scholars ug graduate students adunay deadline nga Agosto 25, 2017 diin kinahanglan nga bayaran sa mga nahisgutan ang tuition ug uban pang school fees.
Una ng gikalipay sa napulo ka mga constituent campuses sa UP latas sa nasud ang pag-defer sa assessment ug collection sa tuition fees hangtud nga makapagula ang Commission on Higher Education ug Department of Budget and Management (DBM) ug guidelines kalabot sa free tuition program.
Sa usa ka hinabi, gitino ni UPMin chancellor Sylvia Concepcion nga ang libre nga tuition madetermina pinaagi sa assessment aplikante gikan sa mga nagkadaiyang scholarship programs.
Mamahimo sumala pa nga ipahimutang ang aplikante sa scholarship program nga i-anunsiyo sa DBM ug CHED o pinaagi sa Socialized Tuition System (STS) sa Universidad.
Gikanayong ang kalahian sumala pa sa duruha ka mga scholarships mao ang limitado nga libreng tuition sa DBM/CHED scholarship samtang STS natunga sa duruha ka bracket diin mamahimong hatagan niini ug full scholar ang mga estudyante nga deserving apan wala sarang nga ikagasto sa ilang pagtuon ug kadtong mga estudyante nga makabayad lamang ug dyutay sa tuition.
