DAVAO CITY – Gipasalig karon sa Food and Drug Administration (FDA) Mindanao nga gukdon ang mga namaligya ug mercury-laced skin whitening products.
Matud pa kang Deborah Legaspi, director sa east cluster FDA Mindanao, nagpahigayon na karon ug pagbisita sa mga tindahan ang ilang team aron subayon kadtong mga produkto nga gi-ban sa ahensiya.
Una ng nagpahigayon ang grupo sa EcoWaste Coalition ug test buys sa 12 ka mga sample sa gipang-ban nga skin whitening products sama sa Goree, Jiaoli, S’Zitang ug Yu Dan Tang.
Matud pa kang Thony Dizon, EcoWaste chemical safety campaigner, nga ang mercury content sa nahisgutan nga beauty products ang mas taas sa one part per million (ppm) safe limit.
Samtang ang Yu Dan Tang’s freckle spot remover nga usa ka whitening sun block cream, ang adunay unod nga 43,700 ppm mercury. Ang Goree’s beauty cream adunay 17,800 ppm nga mercury.
Sagad sumala pa sa mga produkto adunay mercury content nga kapin 2,000 ppm.
Nasayran nga ang mga cosmetics nga adunay mercury mamahimong mopugong sa produksiyon sa skin pigment melanin aron nga mas puti ang panit apan kung masobrahan kini, mamahimong moresulta sa skin discoloration, scarring ug rashes.
