Mapasalamaton si Dr. Ashley Lopez, OIC sa City Health Office (CHO) nga daghanang mga tigulang ang mipakita karon ug interes nga magpabakuna batok covid-19.
Subay sa gipahigayon nga pagmonitor sa opisyal, gikan sumala pa sa target nila nga 500 ka mga mabakunahan matag, mas milabaw pa ang ihap sa mga tigulang nga boluntaryo na nga magpabakuna.
Gi-ablihan na matud pa karon ang mga nagkadaiyang vaccination site sa matag distrito hinungdan nga gi-awhag niini ang mga senior citizen nga moadto lamang aron nga mabakunahan gilayon kini.
Naglaom na lamang karon ang opisyal nga sunod-sunod na ang pag-abot sa bakuna aron nga masunod gilayon nila kadtong mga indibidwal nga adunay co-morbidity.
Gitino sab sa opisyal nga mahinungdanon nga mopailalom una sa check up ang usa ka tawo nga adunay co-morbidity ayha magpabakuna aron nga masayran kung luwas sa iyang panglawas ang Covid-19 vaccine.
Dili sab sumala pa mamahimong nga himuon ang pagbakuna kung walay doktor nga ipahimutang sa mga vaccination site.
